இடபத்தின் அழைப்பு

திருச்சிற்றம்பலம்
 இன்று பிரதோஷ நன்னாள்

       <> இடபத்தின் அழைப்பு <>

அடியார் வேடம் நான்தரித்துன்
.. அருகே நின்றிங்(கு) அரற்றுவது

செடியார் புன்சொல் எனஉனக்குத்
…தெரியு மென்று நானறிவேன்

துடியார் கரத்தோய்! துட்டரையும்
..தூய்மைப் படுத்தும் உனதருளைக்

கொடியார் இடபம் கூறுவது
.. கொண்டே கூட்டம் திரளுமிங்கே!

(செடிஆர் = அற்பமான, குணமில்லாத; துடி = உடுக்கை; கொடி ஆர் = கொடியில் உள்ள.)

  … அனந்த் 10-12-2023