கூடும் வெளியும்

திருச்சிற்றம்பலம்












<> கூடும் வெளியும் <>

பிறந்த நாள்தொட் டின்றுவரை
.. பேதை என்றன் மனப்பறவை

பறந்து செத்தை பலசேர்த்துப்
.. படைத்த எண்ணக் கூட்டிலுன்னை

மறந்து கிடந்த எனையெழுப்பி
.. வாவென் றழைத்துன் அருளொளிசேர்

திறந்த வானில் திளைக்கவைத்தாய்
... திரும்பேன் இனியென் கூட்டினுக்கே.

... அனந்த்  3-8-2013


============

இனிய பாடல்.

பறவை, கூடு, போன்ற சொற்கள் ஒரு திருவாசகப் பாடலை ஞாபகப்படுத்தின!

http://www.thevaaram.org/thirumurai_1/songview.php?thiru=8&Song_idField=81150&padhi=15&startLimit=14&limitPerPage=1&sortBy=&ampsortOrder=DESC

8.15.14 - திருவாசகம் - திருத்தோணோக்கம்-14:

உரைமாண்ட உள்ளொளி உத்தமன்வந் துளம்புகலும்
கரைமாண்ட காமப் பெருங்கடலைக் கடத்தலுமே
இரைமாண்ட இந்திரியப் பறவை இரிந்தோடத்
துரைமாண்ட வாபாடித் தோணோக்க மாடாமோ. 

வி. சுப்பிரமணியன்