நிலையான பொருள்

திருச்சிற்றம்பலம்
 

                    <> நிலையான பொருள் <>

(14-சீர் ஆசிரிய விருத்தம்: அரையடி- கருவிளம் காய் விளம் காய் விளம் மா தேமா) 


முதுபெரும் பொருளாக முற்றிலும் புதிதாக மூலபண் டார மாக
..முதல்நடு முடிவேதும் இலாதஓர் முழுதாக மோனஓங் கார மாக


எதுஎவண் நிகழ்ந்தாலும் எங்ஙனம் நடந்தாலும் இயற்கையாய் அவற்றை எல்லாம்
..இயக்கிடும் விதியாக எதிர்வினைப் பயனாக இலங்கிஓர் வரைய றைக்குள்


அதுவென இதுவாமென் றியம்பிட இயலாமல் அனைத்துமே ஆகி ஆங்கே
..அணுவிலும் அணுவாக அண்டபே ரண்டங்கள் யாவினும் மேல தாகப்


பொதுவினில் நிலையான பொருளிதே எனுமாறு பூம்பதம் தாங்கி ஆடும்
..புகலரும் பரஞான பூரணா! எனையாளும் புண்ணியா! எனது வாழ்வே!




.. அனந்த் 2-9-2013
இணைப்பு: இசை ஒலிப்பதிவு