கால் மாற்றிய காரணம்

 <> கால் மாற்றிய காரணம் <>

   
                         திருச்சிற்றம்பலம்
 

அல்லொடு பகலென ஐய!நீ தில்லையில் அம்பலம் தன்னில் உன்றன்

... ஆடுகால் இடதுபால் ஆகவே கொண்டதை அன்றொரு புலவ னார்தம்

சொல்லிலே அங்கதம் தோய்த்தும(து) இடதுகால் முடமென ஆன தென்று

... தூற்றிய பின்னர்உம் தூக்கிய தாளினை வலமென மாற்றி னீரோ?*

இல்லையேல் ஆலவாய் ஈசனாய் நீபுரி எழில்நடம் கண்ட மன்னன்

.. 'இடதுகால் வலித்திடா திருந்திட வலதுதாள் ஏற்றுவீர்!' என்ற தாலோ?**

கல்லிலோர் லிங்கமாய்க் காட்சிநீர் தந்ததன் களைப்பெலாம் தீர மன்றில்

... காலிரு பாலுமாய்க் களிநடம் புரிவதே காரணம் அறிவன் யானே!

  

...அனந்த் 11/12-5-2014

* இது பாவவிநாச முதலியார் என்னும் புலவர் இயற்றியுள்ள ஒரு அழகான பாடலைக் குறிப்பது: http://inisai.wordpress.com/2010/06/12/kaalvannam/ ** இது இராசசேகரன் என்னும் பாண்டிய மன்னனின் வேண்டுகோளைக் குறிப்பது. இதைப்பற்றி டாக்டர் ஜெயபாரதி அவர்கள் தந்துள்ள அருமையான தகவலை (பரஞ்சோதி முனிவரின் அற்புதப் பாடல்கள் உட்பட) இங்குக் காணலாம்: http://www.treasurehouseofagathiyar.net/00800/870.htm