வாழ்ந்து போவாய்

திருச்சிற்றம்பலம் 

<> வாழ்ந்து போவாய் <>

ஊனாரும் உடலமே நான்எனும் உணர்வுடன்

... உலகினில் வளைய வந்திங்(கு)

.....உறுதுன்பம் தாளாமல் உனதடி யார்சொலும்

....... உரைகளைச் செவிம டுத்து

நானாரென்(று) அறிந்திடத் தனிஇடம் ஒன்றைநான்

... நாடியே அமருங் காலை

.....நானாவி தங்களில் நாயினேன் நெஞ்சினில்

..... நடமிடும் நினைவின் ஊடே

ஏனோஉன் பாலொரு கணப்பொழு தாகிலும்

.... என்மனம் ஏகி டாமல்

......இங்கேநான் படும்துயர் ஈச!நீ அறிந்திடா(து)

........இருப்பது நியாய மாமோ?

தானாகச் சென்றுவல் விடத்தினை உண்ணுவாய்

..... தடியடி ஏற்று நிற்பாய்

....... தமியேன்என் மனத்தினில் ஓர்முறை தோன்றிடத்

..........தயங்குவாய் வாழ்ந்து போவாய்!

10-6-2014