திருச்சிற்றம்பலம் 

<> நடக்கட்டும் <>

புறப்பட்டு நீஎங்கும் போனாலும் என்னுள்ளே

அகப்பட்டுக் கொள்ளாமல் ஆகுமோ ஐயா!உன்

வயப்பட்ட தாலினிமேல் வையத்தில் ஐவர்க்குப்             

பயப்பட்டு வாடேன் பரமேசா! உன்கோயில்

படிக்கட்டில் நின்றுள்ளே பரவசம் மேலிட்டுப்

படிக்கட்டும் என்நா பக்தர்தம் பதிகங்கள்

கிடக்கட்டும் என்வினைகள் கேடுற்(று)என் வாழ்வென்றும்

நடக்கட்டும் நீகாட்டும் நன்னெறியில் பீடுடனே!

அனந்த் 8-2-2017