திருச்சிற்றம்பலம்
<> பிறவிப்பயன் <>
உடுக்கள் வானக் கூரையிலே
.. உலவத் தொடங்கும் வேளையிலே
….. ஓய்வு பெறுதற் காதவனும்
…….. ஒருபால் ஒடுங்கி ஒளிகையிலே
உடுத்த
புலித்தோல் மருங்கசைய
… உடுக்கை ஒன்றைக் கையேந்தி
….. ஒள்ளிய பிறையைச் சடையிலணிந்(து)
………. உலகோர் எவரும் காணும்வண்ணம்
அடுத்தி ருக்கும் அன்னையுடன்
.. ஆ!ஆ! இதுவே கயிலையென
…. அன்பர் கூவத் தில்லையிலே
……. ஐயன் நடனம் ஆடுகின்றான்
எடுத்த பிறவிப் பயனடைய
… இதைக்காண் பதுவே வழியலவோ?
….. என்னைப் போன்ற பாவியர்க்கும்
……… இதுபோல் அருளும் இறையுண்டோ?
... அனந்த் 20-11-2018 (பிரதோஷம்)
