அன்னையும் நீயும்

                           திருச்சிற்றம்பலம்

                       <> அன்னையும் நீயும் <> 

​              

தண்டும் செருப்பும் கல்லும் வில்லும் உன்றன் திருமேனி

… தீண்டும் வண்ணம் திக்கில் லாமல் முன்னம் திரிந்தஉனைக்

கண்டுள் இரங்கிக் கயிலைப் பதிவாழ் கௌரி கனிவுடனுன்

… கையைப் பிடித்துக் கணவ னாகக் கொண்டாள், இங்கேநான்

மண்டும் பிணிசேர் உடலும் அதனின் கொடிய மனமுமென்னை

… வாட்டும் வகையில் வாழும் போது கதிநீ எனஉன்னை

அண்டும் பொழுதில் அணைத்தென் துயரை ஆற்றா யெனில்அருகார்

.. அன்னை உன்னைச் சினப்பாள் எனநீ அறியா திருப்பாயோ?

(தண்டு – பாண்டியனின் பிரம்பு; செருப்பு- கண்ணப்பன் காலணி; கல் – சாக்கிய நாயனார் எறிந்தது; வில் – அருச்சுனனின் காண்டீபம்; அருகார் = அருகுஆர், அருகிலுள்ள)

அனந்த் 5-11-2018 சோமவாரப் பிரதோஷம்