மாடு பெரிது

திருச்சிற்றம்பலம் 

                         <> கூத்தின் இறை <>

     

மாடூரும் அன்பர் மனமுருகிப் பாடிவைத்த

ஏடூரும் தேகம் எரிந்தழிந்து மாயுமந்தக்

காடூரும் காண்பொருட்கள் ஊடூரும்  என்நெஞ்சக்

கூடூரும் கூத்தின் இறை.   

(ஊர்தல்= ஏறிச்செல்லுதல், சஞ்சரித்தல், பரவுதல், அடர்தல்….)


                   <> மாடு பெரிது <>

மாடு முதுகேற்கும் மந்திரஞ் சொல்லியோர்

ஆடு துதிசெய்யும் ஆங்கொருபேய் – காடடைந்து

பாடும் பதிகம் பரமன் இவனது

மாடு மிகப்பெரிதம் மா!

(மாடு = நந்தியெம்பெருமான், புகழ்; ஆடு = தக்கன், மந்திரம் = சமகம்; பேய் = 

காரைக்காலம்மையார்)

அனந்த் 9-11-2011 சனிப் பிரதோஷம்