குருபரன்

                       திருச்சிற்றம்பலம் 

                         <>  குருபரன் <>

 

சந்தக் குழிப்பு: தனதன தாத்தன தனதன தாத்தன
              தனதன தாத்தன தந்ததான

{திருப்புகழ்: விரகற நோக்கியு முருகியும் வாழ்த்தியும்..  http://kaumaram.com/thiru/nnt0986_u.html) 

                                   **

  

ஒருபத மேற்றியு மொருபத நாட்டியு 

… மொருகர மாக்கியு மென்றுமேலு 

.. மொருகர நீக்கியு மொருதனி நேர்த்தியொ 

…..  டொருதிரு நாட்டிய மன்றிலாடும்  

  

 குருபர பார்ப்பதி கணவச டாட்சர 

.. குகனொடு மூத்தவ னும்பராவு  

…. குடியுறை பார்த்திப வெனவுனி லாட்படு 

…  குணமுடை யோர்க்கரு ளுங்குணாளா! 

  

வருவினை போக்கிமு னுளவினை மாய்த்திடு 

… …. வரதப ராத்பர வென்றுபாடி 

…. வருமடி யேற்குன மலரடி காட்டியென் 

…… மனமுன தாக்கிய அன்புபேணி 

  

அருணையி லேற்றிய சுடரென வீற்றுநின்   

.. னருளொளி யார்க்குமெ நன்றுகாண 

…. குருவடி வாய்த்தெரி ரமணநின் மேட்டிமை 

…. . குறைவற நாச்சொலி உய்ந்திடேனோ.  

 

(பார்ப்பதி = பார்வதி; பார்த்திப = அரசனே; பராவு(ம்) = வணங்குகின்ற, புகழ்கின்ற; உன மலரடி = உனது மலர் அடி; யார்க்குமெ= யார்க்குமே; மேட்டிமை = மேன்மை, தலைமை)

... அனந்த் 14-9-2020/ திருத்திய வடிவம்20-9-2020.