திருச்சிற்றம்பலம்

                             <> திருவடித் திறம் <>

         

ஓடுங்கால் உண்டிநிதம் ஏற்றுண்ண; நாரணன்முன்

தேடுங்கால்; மெய்யடியார் தில்லையிலே காணற்கு

நாடுங்கால் நங்கையுமை பார்த்திருக்க மேல்தூக்கி

ஆடுங்கால்  அம்பலத்தான் கால்.

                          

                       <> மலரடி <>

           

 

                 அடிநாள் உனையணுகா அற்பனெனைக் காலன் 

                 அடிநாள் வருமுன் அரனுன் – அடிநாண் 

                  மலரணுக வைத்தென் மனமுலவு மாயா 

                  மலமகலச் செய்தெனை மாற்று.

 

             (நாண் மலர் = நாள் மலர்; உன் நாள் மலர்அடி எனக் கொண்டுகூட்டிப் பொருள் கொள்க.)

 

                                         

 

                     <> காலழகன் <>

 

             

                 கால்கள் இரண்டுண்டு காசினியோர் பற்றுதற்கு)அன்

                 றாலமுண்ட கண்டர்க்(கு) அறிவம்;அவர் – கோலத்தில்

                 காலொன்று பூணும் கழல்சிலம்பு மற்றுமொரு

                காலோ சிலம்பணியும் காண்.

                                      

 

   ..அனந்த் 7-9-2022 பிரதோஷம்