திருச்சிற்றம்பலம்

<> தடை <>

அருள்தரும் விழியுடன் அம்பலத் தாடிநீ

….அம்புயக் கரத்தை நீட்டி

.….அடியவர் பாலுன(து) அன்பினைக் காட்டுமோர்

.....ஆவலில் காத்து நிற்க,

பெருமிடர் மலிந்ததிவ் வாழ்வென உணர்ந்தினிப்

….பிறந்திடா வகையை நாடிப்

…..பேதையேன் இவ்விடம் பெரும!நின் கருணையைப்

……..பெற்றிட வேண்டி நிற்க,

 

மருள்தரும் வகையினில் மாபெரும் தடையென

…..மனமெனும் பகைவன் என்றன்

…...வழியினை மறைப்பதன் மருமம்ஏன்? உன்னிலும்

……...வல்லவன் இல்லை என்று

கருதிநான் இருந்ததும் கனவென ஆகுமோ?

…..காலனைச் செறுத்த கோவே!

…....கணத்தினில் விரைந்துன கழலடி சேர்த்தெனைக்

…….....காத்தலுன் கடமை அன்றோ? 

..அனந்த் 30-11-2013