காணிக்கை

இன்று பிரதோஷ நன்னாள்

_{திருச்சிற்றம்பலம்}

_{<> காணிக்கை <>}

_{(14-சீர் விருத்தம். அரையடி வாய்பாடு: தேமா காய் காய் விளம் விளம் மா மா காய் காய் காய் விளம் விளம் மா மா)}

_{மூப்பே இல்லாத காலன்தன் கடமையை}

_{... முற்றிலும் ஆற்றி எனக்கு}

_{..... முதுமைநிலை தந்தெனது வசமுள்ள யாவையும்}

_{........ மொத்தமாய்ப் பறித்த பிறகு}

_{தோப்பாய் இருந்தவனோர் தனிமரமாய் ஆனபின்}

_{... சொந்தமென்(று) இயம்ப என்னைத்}

_{.... தொத்தியுள நோயோடு தொல்லைவிளை மனம்இவை}

_{..... தொடருமிந் நிலையில், அரனே!}

_{காப்பாய் எனஉன்றன் கழல்நீழல் வந்துளேன்}

_{..... கடையனின் காணிக் கையாய்க்}

_{......கைவசம்என் னிடமுள்ள  அகந்தையினைத் தருகிறேன்}

_{..... கருணைகூர்ந் தேற்பை யானால்}

_{பார்ப்போர் பாவியையும் பாலிக்கும் உன்னருட்}     

_{....பாங்கினைப் போற்று வாரே}

_{.... பத்தியுடன் எறிந்தவொரு கல்லினையும் பூவெனப்}

_{....  பரிவுடன் ஏற்ற பரமே!} 

_{.. அனந்த் 25-10-2015}