வழி காட்டும் பரமன்

                      திருச்சிற்றம்பலம் 

 

​

      <> வழி காட்டும் பரமன் <>

அகந்தையை அழிப்பாய் நீஎன்(று)

..அகிலம்வாழ் மாந்தர் காண

…அத்தியைப் புலியை மாய்த்தாங்(கு)

….அவற்றுரி போர்த்தி நின்றாய்

சகந்தனில் கால ஓட்டம்

..தனைஅவர்க்(கு) உணர்த்து(ம்) வண்ணம்

…சலித்திடும் நதியை உன்றன்

….சடையினில் வைத்தாய்; நாடி

உகந்தனை துறவிக் கோலம்

..உலகில்காண் பொருளில் பற்றை

…உதறுதல் வேண்டும் முக்தி

….உற்றிட என்று காட்ட

பகர்ந்திடப் போமோ இங்ஙன்

..பற்பல வகையாய் எம்மைப்

...பரிவுடன் வழிந டத்தும்

….பரம!நின் அருளின் மேன்மை!

..அனந்த் 6-6-2017