திருவடிப் பெருமை

                 திருச்சிற்றம்பலம்

            <> திருவடிப் பெருமை <>

            

       
​

நின்னடி காண நெடுமால் இயன்றிலன் நேயமுடன்

பன்னெடுங் காலம் பரவினர் கண்டிலர் பத்திசெய்த

சின்னவொர் பாலனின் சீவன் பறிக்கச் சினந்துவந்த

வன்னெமன் கண்டனன் மன்னவ! நீசெயும் மாயமென்னே.

                                    *****

       
​​

மாயை விலக்கும் மருந்தெனச் சாற்றுமுன் மாவடிக்கீழ்

தோயும் சுரர்தம் முடியெனச் சொல்வர் துதிப்பதற்கு

வாயில் புனலொடு வந்தவொர் வேடன் மிதியடியைத்

தாய்மக வின்மிதி தாங்குவ தொப்பத் தரித்ததென்னே!

                                    *****

​

காலற்குன் காலுமந்தக் காமற்குக் கண்ணும்விண்

பாலலைந் தோர்க்குனது புன்சிரிப்பும் – சாலப்

பரிந்தளித்தாய் நீஎனக்குப் பாருள் இரக்கத்

திரிகையிலுன் தாள்தூசி தா.

( விண்பால்… புன்சிரிப்பும்- திரிபுர சம்ஹாரத்தைக் குறிப்பது; பரிந்தளித்தாய் –  தண்டித்தருளுவதைக் குறித்தது; தாள்தூசி- புணர்ந்தபின், தாட்டூசி.)

                                    *****

       
​

அடியார் எனும்சிலர் ஐயனே! உன்னை

அடிப்பார் செருப்பால்கல் வில்லால் – அடியேன்நான்

உன்னை அடியேன் உவந்துன் அடியிணையை

என்னுள்ளே வைப்பேன், இரு.

..அனந்த் 19-8-2017 சனிப்பிரதோஷச் சிறப்பு நன்னாள்