தகாத செயல்

திருச்சிற்றம்பலம்

             <> தகாத செயல் <>

உகந்த தாகா(து) எனக்கருதும்

.. ஒருநஞ் சைநீ உண்டதொரு

தகுந்த செயலே அதுஉன்றன்

.. தயையைக் காட்டும்; மாறாக

அகந்தை என்னும் மதிமயக்கும்

.. அரும்நஞ் சொன்றை என்மனத்துள்

சகந்த னில்நான் பெறச்செய்தாய்

.. சம்போ! ஏனோ இம்முரணே.

தொல்லை தருமென் மனத்துயரைத்

.. தொலைக்க வழியைக் கண்டுகொண்டேன்

எல்லை இல்லாப் பெருவெளியில்

.. எங்கும் யாண்டும் நிலைத்தாடும்

தில்லைப் பெரும! என்மனத்தைத்

.. திரும்பக் கொடுத்தேன் இனிஉன்னை

அல்லா லெங்கும் அந்தமனம்

.. அலையா வண்ணம் காப்பதற்கே.

காணும் எல்லாப் பொருள்களிலும்

.. கனக சபையின் நாயக!நீ

பூணும் சடையார் புனல்மதியும்

…பொலியும் நுதலும் புன்சிரிப்பும்

தூணை நிகர்நின் தோள்களிலே

.. தொங்கும் அரவும் புலியதளைப்

பேணும் இடையும்  திருப்பதமும்

.. பிரியா வண்ணம் தோன்றவையே.

அனந்த் 24/25-7-2018.