மீட்டுவையே

இன்று பிரதோஷ நன்னாள்

        <> மீட்டுவையே <> 

           திருச்சிற்றம்பலம்

 

​

எண்ணம் என்னும் இரையினையுண்(டு)

..என்னுள் ஆலாய் வளர்ந்தோங்கி

மண்ணில் கிட்டும் அனைத்துந்தன்

.. வசத்தில் இருக்க விரும்பு(ம்)மனம்

சுண்ண வெண்ணீ றணிந்தனைத்துந்

.. துறந்து வாழும் சுகமுணர்த்து(ம்)

அண்ணல் உன்றன் அடியிணையை

. அணுகும் நாள்தான் எந்நாளோ? 

            

                 ************* 

முன்னம் உன்றன் நினைவின்றி

.. மூடன் எனநான் திரிந்தக்கால்

பொன்னம் பலத்தில் திருநடனம்

.. புரியும் உன்றன் பேரழகை

என்முன் காட்டி யெனைஈர்த்த

.. ஈசா! இன்றெங் கோமறைந்து

வன்னெஞ் சன்போல் நடித்தென்னை

.. வாட்டத் துணிந்த(து) ஏன்ஐயே?

         *****************  

ஊனைத் தோலால் போர்த்தஇந்த..
.. உடலம் தன்னை ஊர்காண

நானென் றொருபொய்த் தலைப்பிட்டு
.. நடிக்கும் நீசன்  எனக்கெவர்க்கும்

கோனென் றவர்தம் மனத்திருந்து
.. கூத்தை நடத்தும் பரம!உன்னைத்

தானுள் நினைக்கும் அடியனெனும்
.. தலைப்பை அருளி மீட்டுவையே. 

                 ************* 

... அனந்த் 8-1-2020