இன்று சோமவாரப் பிரதோஷச் சிறப்பு நன்னாள்.

 

திருச்சிற்றம்பலம்

                                                         <> இப்படியும் ஒருவர்! <>

 

மடியில் இருபாலர் மங்கையொரு பாலர்

 

குடியில் ஒருமூவர் மூவர் – குடியில்

 

இவர்ஒருவர் ஈடில் ஒருவரிவர் கீழே

 

தவத்தவர் தாம்நால்வர் காண்.

 

(பொருள் விளக்கம்: சிவபெருமான் மடியில் இருபாலகர்களையும் உடலிலொரு பாகத்தில் மனையாளாகிய உமையையும் கொண்டவர்; ஆக இவர் குடும்பத்தில் மூவர் உளர். பிரமன், திருமால் ஆகியோருடன் இவரையும் சேர்த்து மூவர் என உலகோ வழிகாட்டிரால் அழைக்கப்படுபவர்; இவர் தமக்கு இணையில்லாத ஒருவர்; (தட்சிணாமூர்த்தி குருவாக இவர் ஆலின் அடியில் அமர்ந்திருக்க, இவர் கீழே சனகர், சனாதனர், சனந்தர், சனத்குமாரர் என்னும் நான்கு தவசிகள் இருப்பர்.) 

 

 

                             இன்று பிரதோஷ நன்னாள்

                              திருச்சிற்றம்பலம்

   <> துணையடி சேர்ப்பாய் <>

              

வெண்மதி கங்கை கொன்றை

.. விளங்கிடும் சடையோய்! உன்றன்

கண்கவர் கோலம் கண்டும்

.. கருத்திலோர் நெகிழ்வு மின்றி

மண்ணிலோர் விலங்காய் வாழ்ந்த

.. வகையினை இன்றென் நெஞ்சில்

எண்ணிநான் வருந்தி உன்றன்

.. இணையடி சேர்ந்தேன் ஐயே!

          🌹🌹🌹

 

ஐயனே ஐயோ வென்றுன்

.. அடியிணைக் கீழ்வி ழுந்தேன்

பொய்யனே ஆயி னும்மென்

.. பிழையெலாம் பொறுப்பாய் என்று

மெய்யடி யார்கள் சொல்லல்

.. மிகையிலை என்று நம்பிக்

கையிணை குவித்துன் முன்னே

… கதறினேன் காத்தி டாயோ?

         🌹🌹🌹

ஆயபல் பிழைகள் யாவும்

… ஆக்கிய பிண்ட மாகக்

காயமொன் றுடையேன் பாவக்

.. காற்றையே நிரப்பி வைத்த

தீயதோர் பாண்ட மிஃதைச்

.. சுமந்துல கலையு மென்னைத்

தூயவ னாக்கி உன்றன்

… துணையடி சேர்த்தி டாயோ?

          🌹🌹🌹

                                             ..அனந்த் 4/5-5-2024