விளையாட்டும் விளைவும்

                 திருச்சிற்றம்பலம்              

<> விளையாட்டும் விளைவும் <>

இரண்டற்ற ஒன்றென எங்குமாய் இருந்தநீ எந்தவோர் கார ணத்தால்

.. இறைவன்நீ சீவன்யான் என்றதோர் தோற்றமிங் கென்னுளே புகுத்தி அதனால்

புரண்டிந்த மண்மிசைப் பிறந்துநான் எனதெனப் புந்தியில் புகுந்த நினைப்பால்

… புவியுளோர் முன்னொரு பித்தனாய்த் திரிந்திடும் புன்மையைக் கூட்டிவைத்தாய்?

திரண்டுற்ற பிறவியில் சேர்த்திட்ட பாவங்கள் சீவனாம் என்னையுன்பால்

…சேரொணா வகையினில் செய்திடும் கொடுமையைச் சற்றுநின் சிந்தைதாங்கி

இரண்டென்னும் மாயையை இறந்திடச் செய்தெனை உன்னுடன் கலக்க வைப்பாய்

… ஈசனே! தில்லைபால் என்னையும் ஈர்த்தநீ இதனையும் செய்கு வாயே!

..அனந்த்  28/29-3-2018 (பிரதோஷ நன்னாள்)