திருச்சிற்றம்பலம்
<> உபதேசம் <>
தருவடியில் குருவடிவில் சனகமுனி
...தத்துவமு ணர்த்திடுசற் குருபர!நீ மண்ணுலகில்
அருணையிலே, ஆனந்த நடனமிடும் அம்பலத்தே,
...அசபைநடம் ஆடுதிரு வாரூரில் உன்வடிவின்
பொருளுணர்த்திச் சிவஞான போதம்பெறு வழியதனைப்
...புகட்டிநிற்கும் சூக்குமத்தைப் புரிந்தவர்வே றெதுவிழைவார்?
உருஅருஇல் லாவெளியே! உலப்பில்லா வெறுந்தனியே!
...உள்ளத்தின் உள்வதியும் உனையெனக்கும் உணர்த்துவையே!
(அசபை = ஸோஹம் என்னும் இதயத்துள் இயங்கும் மந்திரம்; உலப்பில்லா = அளவும் முடிவும் இல்லாத)
No comments:
Post a Comment