அடம்பிடித்தல் ஆமோ?

               <> அடம்பிடித்தல் ஆமோ? <>

                     

சுற்றித் திரியும் தொழில்கொண்ட மனத்தினையும்
.. சுகத்திற்(கு) அலையும் புலன்களையும் மிகமுயன்றோர் 

ஒற்றைக் கண(ம்)நான் ஒடுங்கவைத்த பினர்ஐயா 

 .. உனைஎன் நெஞ்சில் ஊன்றிவைக்க நினைக்கையிலே 

 எற்றுக் காக அடம்பிடித்து நீஅப்போ(து) 

 .. எங்கோ சென்று ஒளிந்துகொள்வாய் எனவறியேன் 

 பற்றிப் பிடித்த பக்தர்பலர் உனைஉள்ளில் 

.. பூட்டி வைத்த(து) எங்ஙனெனப் புகலாயோ? 

 .. அனந்த் 12-12-2020. (சனிப் பிரதோஷம்)