உணர்வு

                                            திருச்சிற்றம்பலம்

    

                                                <> உணர்வு <>

                                              

                                
​

என்னை உற்றுப் பாரென்றான் எழிலார் கோலக் கொள்ளையிலே

… என்றன் கண்ணோ(டு) இதரபுலன் எல்லாம் நிலைக்கத் தொடங்கையிலே

மின்னல் வேகத் தில்மறைந்தான் வாதை நெஞ்சில் பரவுகையில்   

… விண்ணும் மண்ணும் விரிந்தவொரு வெளியில் நடனக் காட்சியினை                                                                                                                                     

உன்ன வைத்தான் இனியிதனை உன்னுள் ளேநீ பாரென்றான்

… உள்ளே சென்றேன் பின்அதற்கும் உள்ளே செல்லென் றாணையிட்டான்

அன்ன வண்ணம் செல்கையிலே அனைத்தும் இழந்தேன் அதனையடுத்(து)

… அவனே நானாய் ஆகுமுனம் ஐயோ! கனவு கலைந்ததுவே!

… அனந்த்  29-6-2016