<> ஊமையாக்கினாய் <>

தண்ணார்ந்த பொழில்வயல்சூழ் தில்லைவாழ் ஐயனுனைச்

.. சார்ந்தபல அடியவர்தம் சாற்றியசொல் கேட்டென்றன்

 

கண்ணாலுன் எழில்காணும் கருத்தொன்று கொண்டுனது

.. கனசபை சந்நிதியில் கைகூப்பி நின்றேனை

 

எண்ணாத வகையிலுன்றன் நேரெதிரில் நிற்கவைத்தென்

… எண்ணமெலாம் உன்னழகின் ஏற்றத்தில் கரைந்தழிய

 

உண்ணாடிச் சென்றுன்றன் உருவமெனை அழித்தவிதம்

… உலகோருக் குரைக்கவந்தேன் ஊமையென ஆக்கினையே.

 

.. அனந்த் 29-3-2022