திருச்சிற்றம்பலம்
<> கூளம் மறைந்தது <>
உடலம் இதனை விடமலங்கள்
.. உறையும் எனது மனத்தினையுன்
இடமாய் உகந்தாய் இறைவாநான்
.. ஏனென் றறியும் முனமதனில்
நடனம் புரியத் தொடங்கிவிட்டாய்
.. நானும் அதுகண் டுகுத்தகண்ணீர்
குடமாய்க் கொட்ட அதிலென்றன்
.. கூளம் கரைந்து மறைந்ததுவே
அனந்த் 17-9-2013
==============
உடலினிலும் மலமலிந்த உளம்தேர்ந்த உமையரசன்
நடமிடும னந்துலக்க நயனத்தில் நீரெடுத்தான்
உடலுறுப்பும் உயிருளமும் உறுமுறவை உணர்த்திவிட்டான்
சடமெனநாம் சபிக்குமுடல் சர்வேசன் தந்ததன்றோ!
நல்வாழ்த்துக்களுடன்
கோபால்.