இன்று பிரதோஷ நன்னாள்.

திருச்சிற்றம்பலம்

 

                     <> சித்தம் கொள்வாய்  <>

 

         

சாவதும் மீண்டும் சனிப்பதும் ஆய சதிக்கிரையாய்

ஆவதென் றென்னுள் அறிந்தும் அரனுன் அடியிலொரு

பூவது கொண்டுயான் பூசித் திலனிப் புவிவிடுத்துப்

போவதன் முன்னமுன் பொற்றாள் அடிக்கீழ்ப் புகுத்துவையே 

 

பிறந்த கணமே இறக்கத் துவங்கும்

… பீற்றை உடலிதனைச்

சிறந்த தென்ற சிந்தை கொண்டு

… சிறியேன் பெருமஉனை

மறந்து நின்று வாழ்வைக் கழித்து

… மாயும் முனம்அருட்கண்

திறந்திவ் வெளியேன் தனைநீ மீட்கச்

.. சித்தம் கொள்ளுவையே.

 

அனந்த் 18/19-3-2023

 

பிடியகற்றும் வழி

 திருச்சிற்றம்பலம்

இன்று சனிப்பிரதோஷச் சிறப்பு நன்னாள்

                       <> பிடியகற்றும் வழி <>

                                            

                  

              <> பிடியகற்றும் வழி  <>

                                        

கடலின் அடியில் கரந்துறைந் தாலும்

…ககனந் தாண்டிக் கடந்துசென் றாலும்

அடவித் திரளுள் மறைந்திருந் தாலும்

..அணுவைத் துளைசெய் தாங்கிருந் தாலும்

உடலம் நானென் உளமு(ம்)நா னென்னும்

 .. உணர்வின் பிடியைத் தவிர்த்திடப் போமோ?

நடனம் புரிவோன் திருவடி அதனை 

                                       ..  நசித்து நமக்கு நல்கிடும் வீடே,

                                 .... அனந்த் 4-3-2023