திருச்சிற்றம்பலம்

இன்று பிரதோஷ நன்னாள்.

    திருச்சிற்றம்பலம்

<> சீரை நிலைநாட்டுவாய் <>

போகத்தை நுகர்தல்யான் ஒழிக்க வொட்டேன்

.. புன்மையாம் செயல்களைப் புரிவேன் நித்தம்

ஆகத்தைப் பேணுவேன் அறிவைத் தேடேன்

.. ஆயினும் உன்புகழ் கேட்ட பின்னர்

போகத்தான் யான்விடேன் உன்றன் தாளை;

.. புல்லரைக் காத்தருள் புரிவோய்! பெண்ணைப்

பாகத்தில் வைத்துள பரமா! என்னைப்

.. பாலித்துன் சீர்நிலை நாட்டு வாயே.

 

அனந்த் 26/27-3-2025  

 

இன்று பிரதோஷ நன்னாள்.

                                    திருச்சிற்றம்பலம்

                           <> உரைத்தல் ஆகுமோ

                   

                                    

    பொய்யுலகைத் தோற்றுவிக்கும் பொல்லாத மாயையினால்

    வையமிதில் பதடியென வாழுமிந்தப் புன்மையனைத்

    தையலிடம் வைத்தபிரான் தன்னடியார் தமைக்காட்டி

    உய்யும்வகை உணர்த்தியதை உரைத்திடவோர் மொழியின்றே. 

                                                  .... அனந்த் 11-9-2025