இன்று சனிப்பிரதோஷச் சிறப்பு நன்னாள்.

                       திருச்சிற்றம்பலம் 

                            

  

பொய்யுலகைத் தோற்றுவிக்கும் பொல்லாத மாயையினால்

வையமிதில் பிறந்திருந்து வாழுமிந்தப் புன்மையனைத் 

தையலிடம் வைத்தபிரான் தன்னடியார் தமைக்காட்டி

உய்யும்வகை உணர்த்தியதை உரைத்திடவோர் மொழியின்றே.*

(*அன்பொடுஉன் நாமம்கேள் அன்பர்தம் அன்பருக்(கு) அன்பனாயிட அருள் அருணாசலா-ஸ்ரீரமண மஹர்ஷி)

.                                                  .... அனந்த் 23/24-5-2025

 

இன்று பிரதோஷ நன்னாள்.

            திருச்சிற்றம்பலம்

மாயுமுடல் நானென்னும் மித்தை மயக்ககலப் 

போயோர் முறைகாண்பீர் பொன்கூரை – வேய்ந்தசபா

நாதனிடக் கால்தூக்கி நட்டம் புரியுங்கால்

ஓதுமவன் நாமமொரு கால். 

(மித்தை = பொய்; வேய்ந்த = மூடிய, அலங்கரித்த)

                                 ... அனந்த் 9/10-5-2025