பிரதோஷப் பாடல் - September 06 2010

உ சிவமயம் திருச்சிற்றம்பலம் முருகா

சிறியதோர் துரும்புளும் பெரியதோர் வரையுளும்
.. திகழுமோர் பேருணர்வைச்
... சிற்பர வத்துவாய்ச் செகத்திலே அனைத்தையும்
.... செலுத்திடும் தத்துவத்தை

அறியவே இயன்றிடா தென்றுயாம் எண்ணிவீ(டு)
.. அடைந்திட முயற்சி செய்யா(து)
... அழிந்திடல் தவிர்த்திட ஐயனுன் திருவுளத்(து)
..... அளவிலா அன்பி னாலே

எறிதிரைப் புனலு(ம்)நல் மதியமும் கொன்றையும்
.. இலங்கிடும் சடையனாக
.. எழில்பொழி அணங்குடன் எருதிலே ஏறிவந்
... தெங்கள்முன் காட்சிதந்து

நெறியிதென் றுணர்த்திநின் திருவடி நீழலை
.. நித்தமும் சாருமாறு
... நீட்டினாய் நின்கரம் நிகழ்ந்ததோர் அற்புதம்
... நெஞ்சமுன் மன்றமென்றே